لبى خدودك والعيون الجميلة
لبى ممات في حياة بلياك
اهلا هلابك يالغلا يالأصيلة
جيتي على عهد مع اللي تحراك
جيتي فرح
جيتي شقا
جيتي هناك
جيتي مكان يجمع الجرح فيني
ذاك المكان اللي جمعني برؤياك
ذكرى قديمة في سنين طويلة
اهلا هلا بك ياغلاي الأصيلة
ماني بقايل وش جرا
ماني بقايل وش حصل
يكفيك اقول
اعشقك واتمناك
لو هي ثمان سنين
معها ثلاث شهور
لو هي جروح أحباب
معها العتب مقدور
لو هي حياة أغراب
لو هي بدون أسباب
ماني بقايل شي
اهلا هلا بك يا هواي الأصيلة
ياللي تركتيني جفا مدري عناد
مدري هجرتيني وفا كله بعاد
الا على طاري السنين
وطاري الزمن بعد الحنين
انتي مثل ما انتي قمر
كل حلا ما تكبرين
حتى لو انك كبرتي
تكبرين وتزينين
لبى خدودك والعيون
كلك حلا
كلك حلا
تكبرين وتزينين
فيصل الصويمل
ماشاء الله شكل لك خبره حلوة بالخواطر من جد كتييييييييير طيبين كتاباتك .. ابدااع متواصل ..
اتمنى لك التوفيق دائما ..
أبها البهيه
ياجار كانك طعتني برقـع الطيـر
طيرك وحش واقلوبنـا مستميتـه
لولاي رجلٍ من رجال بهـم خيـر
ماصد واغض النظر مـن بخيتـه
ياجار طيرك كل ماعرض اعصير
مدري علامـه يلتفـت مادعيتـه
يمر كنـه شـارد الصيـد لاذيـر
لا بوه لابـو حـي حيـه وميتـه
اغير وانذر وانذر القـوم واغيـر
وابيع روحـي وانهـزم لا بغيتـه
يردني ياجـار طبـعٍ لنـا غيـر
الجار مـا نـدرج لغـرات بيتـه
يبقا على حشمه وشيمه وتقديـر
ويروح عني بالـردا مـا قفيتـه
من خوف شيٍ ما بعد صار ويصير
يامـا هدمـت البيـت والا بنيتـه
بعدٍ عن الهيـن معـزه وتوقيـر
ورجمٍ على غير النقا مـا بديتـه
يحدنـي يـم الخطـا دون تبريـر
الى بـلا نـي بالهـوى مابليتـه
وانا بشر مني خطايـا وتقصيـر
الله يغفـر كـل ذنـبٍ جنيـتـه
مدونتك رائعة اخى وكلامك جميل جدا ومنظم واسلوب رائع جدا اتمنى لك التوفيق ..