يفز قلبي كل ما جو بطرياك

يـفز قـلبي كـل مـا جو بطرياك
وشـلون لا مـني لـمحتك بـعيني
اشـتاق لـعيونك وضـحكة شفاياك
وكـل الـسوالف لحظة انك تجيني
أوقـاتي الـحلوه بـلحظات لـقياك
انـسى هـمومي يـوم نورك يبيني
أغـار لا شـفتك تسولف على ذاك
وشـلون لو تضحك لهم عند عيني
من كثر ما اعزك على الناس وأهواك
صـارت حـياتي فدوتك مع سنيني
تـستاهله قـلبي نـهبته ويـفداك
يـكـفيني انـك يـاحبيبي تـبيني
كـل الـمشاعر فـي غيابك ترجاك
حـتـى الـهموم بـغيبتك تـبتليني
اشـغلت فـكري ما يبي غير لاماك
وأعـميت عيني عن هوى كل زيني
يـاما سـهرت الـليل وانا اترجاك
ويـاما تـمنيت الـلقاء بـك يحيني
لـو جـارت ايامي وجاء يوم فرقاك
أو حـالت الاقـدار بـينك وبـيني
وشـلون أعـيش بوسط دنيا بلياك
وانـت الـحياة بـكبرها يـاظنيني
كـانك عـرفت انـي حـبيبٍ تمناك
اقـرب وخـلك سـاكنٍ دوم فـيني
ودي تـعـلمني بـهمك وشـكواك
وش صار لك وش فيك كنك حزيني

2001م