تـوك تجي ما عاد لي فيك حاجة
قـلـبي تعود من كثر ما جرحته
طـعم الحلا بعد المرارة سماجه
والـقرب ما ينفع وبعدك عشقته
جـرحٍ قـديـم ومستحيلٍ علاجه
هـديـتـك يوم الغلا لك ذخرته
وشـلون يرجع للخفوق ابتهاجه
والـهم في وسطه يزود وكتمته
ان قـلت أبسلى ما تعدل مزاجه
وان قـلت أبنسى لو دقيقه ذكرته
وان قلت أبقسى ما قويت لعجاجه
هـذا خـفوقي بعد رحت وتركته
حـطمت حبك مثل كسر الزجاجه
وصعب عليك ترجّع اللي كسرته
درب الـفراق اليوم فيه انتواجه
نفس المكان اللي رحلت وهجرته
حتى المكان أعلن عليك احتجاجه
يـاكيف تبني صرح بيدك هدمته
خـلاص مـا باقي ولا أي حاجة
أحـرقـت ذكراك وغرامك دفنته
2003م
