الـلـيـل ما يقسى على قلب محزون
والـصـبح من نوره حكى لي حكاية
عـشـنا وشفنا من غرابيل وشجون
بـس الـمـهـم اللي ضحك بالنهاية
الـحـب مابه غير لوعات وطعون
والـذكـريـات اللي بقت من شقايه
وشـخص تناسى ناس ما يوم ينسون
ونـاسٍ لـهـم بـالناس الفين غاية
وحـقـدٍ قـديم وحب غالي ومدفون
وصـوت تـلـعـثم ما يردد صدايه
وطبع الجفا من قلب ما اخبره يخون
وصـيت الوفاء في قلب قاسي وتاية
وفرحة دموع اللي على الحزن مفتون
وعـمـر يـمـر ومـاذكرنا البداية
وغربة تصير لجاحد المعرفة عون
وخـلٍ يـصـدق كل كذب الوشاية
وبـحـر شكا كنه من الوقت مغبون
مـن كـثـر ما يسمع هموم وشكايه
وصـحراء تشفق كل ما قالوا مزون
ووجـه تـخـفا تحت وجه المراية
وحـلـمٍ تـحقق بعد ما ماتت عيون
وعـيـنٍ تـقـول الليل يفهم بكايه
وشـعـرٍ يـغنى به طواريق ولحون
وصـدر يـقول القى بشعري دوايه
نـشدت صبحي وانتهى باسود اللون
ضـاع الجواب وصار لغز الحجاية
هـذي الـنـهايه من بدايات مطعون
أضـحـك ولا كـني فهمت الحكاية
2003م
عن فيصل الصويمل
إقرأ أيضاً :
© جميع الحقوق محفوظة 2021