همس الحكي من بيننا هرج العيون
افـهـم كــلام عـيـونه ويـفـهم عـلي
مـع كـل نـظره يرسل لعيني لحون
واقـول لـه لـبيه انـا لـك وانـت لـي
أنـت العزيز اللي غرامي له جنون
غـالي وقـدرك فـوق غيرك معتلي
قـربـك يـريحني ونـظراتك سـكون
ومـن بـسمتك عـني همومي تنجلي
أمـــوت بـعـيونك وزيـنـك يـافـتون
صـدقـني انــي مــن جـمالك مـبتلي
كـل الـحلا فـيك اجتمع شكلٍ ولون
مـا امـل من شوفك ابد لا جيت لي
يـالـيتك الـلـي دايــم بـجـنبي تـكـون
ومـع كـل كـلمه تهدي البسمات لي
لـو هـي ثواني غيبتك عندي قرون
أشـتـاق لـك يالله عـسى تـشتاق لـي
بـس ارحـمه قـلبٍ تجرح بالطعون
يـفداك عـمري تكفى لا تبطي علي
2001م
