28سبتمبر

غيابك شي جربته وصار بماضي سنيني

حـبـيـبي لا الوهم عشته ولا مت بغرابيلك
ولا حـدتـنـي الـدنـيـا على شيٍ يبكيني
تـرى مـن حزة غيابك وانا ناسي مواصيلك
عـزيـز الـنفس ما تقدر ولو لحظه تعنيني
تـقـول انـك مـعذبني واقول بعيد ياحليلك
بـعـيـدٍ عـنـك يالجافي تغربني وتشقيني
أنـا لـي خـاطـرٍ يـقسا بعد حبك وتدليلك
وانـا لـو رحـت للغربه ادل ارجع عناويني
وأنـا لـو ذقـت حـرمانك ومرتني مواويلك
اصـد وابـتـسـم لـلـي مع الايام ناسيني
وأنـا لو ملت باحساسي وصار يروح ويجيلك
أعرف شلون تلعب بي وأعرف شلون تغليني
أمـيـز بـيـن حرمانك وجرحٍ من فراقي لك
وأعرف اللي تشمت بي واعرف اللي يواسيني
أحـب بـصـدق لـكني اذا صديت ما اجيلك
ولا اتـعـب عـلى شانك اذا شفتك تجافيني
أبـادل بـالـجـفـا طبعك ولا يمكن اناديلك
وأنـاجـي بـالـغلا عصفور لا غرد يناديني
اذا حـب الـبـشـر اعمى فلا تفرح بتحليلك
انـا مـا يـنـعـمي قلبي اذا عقلي يقديني
واذا قـصدك قصيدي فيك وشي من كلامي لك
فـانـا شـاعر وقالوها اهيم بعكس ما فيني
كـتـبـت الشعر من قبلك وزدته من تعاليلك
وصـارت دفـتـر الذكرى كلامٍ في دواويني
تـعـلـمت الوفاء منك وصدق الليل من ليلك
وتـعلمت الجفا بعدك وكذب الصبح في عيني
لا وضـح ولا فـسـر ولا ودي بـتـعـليلك
غـيـابـك شي جربته وصار بماضي سنيني
2003م

شارك التدوينة !

عن فيصل الصويمل

مؤسس تطبيق (حارتنا) للتواصل الاجتماعي "مُدوّن مُهتم بالمحتوى والتسويق الرقمي وأعمل في مجال التواصل الرقمي"

اضف رد

لن يتم نشر البريد الإلكتروني .

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

© جميع الحقوق محفوظة 2021
https://cubik.com.tw/vpn/ website https://www.trimmeradviser.com/